درينم سي بيه سه كـُت داواري
بلا چـُي تير اِ نوم جيه رمه مگـُواري
بيلا تاگه بوئينم راسَه موشن
وارونَه برگ درّيارا ماواري
مر اِ دنيا ا طور مه كسي هس
چـي مل ا گل كتي ري دوير و بي كس
خيابون دلم نيري رياري
مرِ دلمه بيه سه كـيچه بن بس؟
وشوني روزگاره رمز و رازم
كردير هرناكسي وير نيازم
مه چـي بوئي تـيل سي بيم گه اول
خـصه وه باوه نيم بي خم جيازم
تلنجك بسده ي روژ نهاتيم
اجل ايمه نكش ايمه براتيم
خدايا ديه ر بسه بيچاره بيمو
مگر ايمه ا جالي خـين يهاتيم
ديتو آخر گرفدار بلا بيم
چـي لاف بي سره جومي ولا بيم
زني شرمت نهات اي كاره گه مه
چـي آرد گل درّك پشخ و پلا بيم
چزاني كس چطوره كار و بارم
چـي رو مردي هميشه موئه مارم
اگر ميا بي كسي عـمرم بذاني
چـي ايل بي تفنگ چي ئو سووارم
مليچك بيم لونه ار تك پلم كرد
شو تا صو لرزه اِ طور ملم كرد
آوه ليز ئو پريشو بي نتيجه
خدايا مر مه آوياري زلم كرد
منه ساسر كتي ديونه بيمه
درّك حـشگِ لوئِه پالونه بيمه
نخن كم بوشه بينم توچـذاني
دراو عـمرم رميا بي ژونه بيمه
زني شيريني و فرهاديت كت
اميد ايمه كل ا شاديت كت
تـفر نومجا دو برمت بو گه هونه
بنومي كـلمونه آباديت كت
حـيه رِ عـمرم سـزوني ولگ پشدم
بيه آلا پتي بي دونه كشدم
ديه سيرم اِ دس اي سرنوشته
مه گه گيري بيه سه نوحـيه رشدم
منبع:
http://www.lakestan-lorestan.blogfa.com/post-13.aspx
موضوعات مرتبط: شعر و ادبیات لُری